आइतवार बिहानसम्म वर्षा जारी रहने

“देशभरिमा २८ वटा स्थानमा मुख्य सडक र राजमार्गहरूमा अवरोध भएको छ। बाढी, पहिरो र डुबानका कारण करिब ४०० मानिसहरू विस्थापित भएको र उनीहरूलाई सुरक्षित स्थानमा सारिएको  छ। गृह मन्त्रालयका प्रवक्ता तिवारीले नदी किनारमा रहेका मानिसहरूलाई सुरक्षित स्थानमा रहन र बाढी आउन सक्ने स्थानमा घरको भुईँतल्लामा नबस्न अनुरोध गरिएको बताएका छन्। “मौसम सुधार नभएसम्म अत्यावश्यक कामबाहेक घरबाट ननिस्कन हाम्रो अनुरोध छ,”  गृह मन्त्रालयका अनुसार बागमती र कोशी प्रदेशका अधिकांश स्थानमा वर्षाका कारण जनजीवन प्रभावित भएको छ। काठमाण्डू र ललितपुरमा बागमती नदीको सतह बढेर किनारको सडक र मानव बस्तीसम्म पुगेको प्रहरीले जनाएको छ। बागमती, विष्णुमती, धोबी खोला सहितका नदी किनारमा बस्ने मानिसहरूलाई सुरक्षित स्थानमा सार्न भनिएको र सुरक्षा निकायको सहयोगमा सारिएको गृह प्रवक्ता तिवारीले जानकारी दिए।