नेप्सेमा भाँडभैलो- नवनियुक्त अध्यक्षमाथि अमर्यादित व्यवहार गरेका छन्। नेपाल स्टक एक्सचेन्ज एक्सचेन्ज(नेप्से)का कर्मचारीले मङ्गलवार भाँड भैलो गरेका छन्। नव नियुक्त नेप्सेका अध्यक्ष हेमन्त बस्यालको राजीनामा माग गर्दै भाड भैलो गरिरहेका हुन्। नेप्सेको अध्यक्ष भएर आए लगत्तै बस्यालले कर्पोरेट स्टाइलमा काम गर्न सुरु गरेका थिए। तर कर्मचारीलाई भने उनको कार्यशैली मन परेको थिएन। कर्मचारीहरूले अध्यक्षको चेम्बरमा चर्काचर्की गर्दै अध्यक्षको अपमान गरेका छन्। करिब एक घण्टा जति कर्मचारीले अमर्यादित व्यवहार गरेपछि बस्याल कार्यालय छोडेर घर तीर लागेका छन्। आएको केही दिनमै कर्मचारीहरूलाई विभिन्न निर्देशन दिन थालेपछि कर्मचारी आक्रोशित भएको बताइएको छ।
